चाड पर्वको अवसरमा दोधारा चाँदनीमा ट्राफिक सचेतना तथा सरसफाई कार्यक्रम 

कञ्चनपुरको दोधारा चाँदनी नगरपालिकामा चाडपर्वको समयमा ट्राफिक सचेतना तथा बजार क्षेत्र सरसफाई कार्यक्रम सम्पन्न गरिएको छ् । दोधारा चाँदनी नगरपालिका– ७ बाबाथान बजारमा अस्थायी ट्राफिक प्रहरी कार्यालय, दोधारा चाँदनी नगरपालिका– ७ वडा कार्यालयको आयोजना र सहयोगमा ट्राफिक सचेतना तथा सरसफाई कार्यक्रम सम्पन्न गरिएको दोधारा चाँदनी नगरपालिका– ७ का वडा सदस्य सन्दीप उपाध्यायले जानकारी दिनुभएको छ् । चाडपर्वको बेला जथाभावी मोटरसाईकल कुदाउने हुदा सडक दुर्घटना न्युनिकरणको लागी ट्राफिक सचेतना तथा बजार क्षेत्र ससरसफाई कार्यक्रम संचालन गरिएको वडा सदस्य संन्दीप उपाध्यायले बताउनुभएको छ् ।

वडा कार्यालयले बाबाथान बजार व्यवस्थापन समिति र प्रहरी संग समन्वय गरि सरसफाई संगै फोहर राख्ने भाडा बजार व्यवस्थापन समितिलाई बितरण गरिएको वडा सदस्य संन्दीप उपाध्यायले बताउनुभएको छ् । बढ्दो दुर्घटना न्यूनीकरण गर्न सचेतनामूलक कार्यक्रमले केही हद सम्म सहयोग पुग्ने उहाँले अपेक्षा राख्नुभएको छ् । सडक सुरक्षा एकल व्यक्तिको प्रयासबाट सुरक्षित नहुने भएकाले नगर स्तरियरुपमा ट्राफिक चेतना प्रवद्र्धन कार्यक्रम गरे मात्र बढ्दो दुर्घटना न्यूनीकरण हुनेमा वडा सदस्य उपाध्यायले भनाई रहेको छ् । दिपावलीको अवसरमा दोधारा चाँदनी नगरवासीहरुमा सवारी साधन दुर्घटना न्युनिकरण गर्नको लागी ट्राफिक नियमको पालनको लागी सडकमा ट्राफिक कोणहरु राखेर सचेतना गरिएको अस्थायी ट्राफिक प्रहरी पोष्ट दोधारा चाँदनीका प्रहरी हवल्दार नरेन्द्र चन्दले बताउनुभएको छ् । सडक दुर्घटना न्युनिकरणको लागी दोधारा चाँदनी नगरपालिका– ७ को बाबाथान बजार क्षेत्रमा सुरुवातकोरुपमा ५ वटा ट्राफिक कोण राखिएको प्रहरी हवल्दार नरेन्द्र चन्दले बताउनुभयो । दोधारा चाँदनी नगरपालिका क्षेत्रको सडक सुरक्षित तथा सडक दुर्घटना न्युनिकरण गर्न सडक चेक जाँचलाई समेत निरन्तरता दिदै आएको अस्थायी ट्राफिक प्रहरी पोष्ट दोधारा चाँदनीका प्रहरी हवल्दार नरेन्द्र चन्दले बताउनुभयो । अस्थायी ट्राफिक प्रहरी पोष्ट दोधारा चाँदनीले विभिन्न सवारी साधनका चालक, सर्वसाधारण र विद्यार्थीलाई सचेत पार्ने कार्य गरिरहेको उहाँले बताउनुभयो । कार्यक्रममा दोधारा चाँदनी नगरपालिका– ७ का वडाध्यक्ष ज्ञानेन्द्र बहेक क्षेत्री, स्थानिय बुद्धिजिबी, भद्र भलादमी, बजार व्यवस्थापन समितिका पदाधिकारी सरोकारवाला निकायका प्रतिनिधिहरुको उपस्थिति रहेको थियो । समुदाय स्तर सम्म ट्राफिक नियमको पालन संगै जनचेतनाको कार्यक्रम गर्न सकियो भन्ने दुर्घटना न्यूनीकरणमा कमी आउने स्थानियबासीहरुको भनाई रहेको छ् ।