दोधारा चाँदनीमा बाढीबाट प्रभावित गर्भवती, सुत्केरी तथा अपांगता भएकाहरुलाई सहयोग

दोधारा:

कञ्चनपुरको दोधारा चाँदनी नगरपालिकामा बाढीबाट प्रभावित भएका गर्भवती, सुत्केरी महिला र आपांगता भएका ब्यक्तीहरुलाई सहयोग गरिएको छ् । दोधारा चाँदनी नगरपालिकामा दश वटै वडामा रहेका १ सय ३० जना गर्भवती, सुत्केरी महिला तथा अपांगता भएका ब्यक्तीहरुलाई नेपाल राष्ट्रिय समाज कल्याण संघ (एनएनएसडब्लुए) र सेभ द चिल्ड्रनको सहयोगमा उनिहरुलाई चाहिने स्वास्थ्य तथा आवश्यक सामग्री सहयोग सुरु गरिएको नेपाल राष्ट्रिय समाज कल्याण संघका सामाजिक परिचालिका निर्मला सुनारले जानकारी दिनुभएको छ् । सामाजिक परिचालिका निर्मला सुनारका अनुसार प्रत्येक वडामा १३/१३ जना गर्भवती, सुत्केरी महिला तथा अपांगता भएका ब्यक्तीहरुलाई उनिहरुलाई चाहिने स्वास्थ्य तथा आवश्यक सामग्री बितरण सुरु गरिएको बताउनुभएको छ् । उहाँका अनुसार गर्भवती, सुत्केरी महिला तथा अपांगता भएका ब्यक्तीहरुको नाम संस्थाका सहजकर्ताहरुले छनौट गरेको बताउनुभएको छ् । दोधारा चाँदनी नगरपालिका– ४ वडा कार्यालयबाट उक्त सामग्री बितरण कार्य सुरु गरिएको सामाजिक परिचालिका सुनारले बताउनुभएको छ् । सहयोग सामग्री बितरण कार्यक्रममा दोधारा चाँदनी नगरपालिका– ४ का वडाध्यक्ष भक्त बहादुर सुनारले बिगत लामो समय देखि नगर क्षेत्रमा विपद् आउदा नेपाल राष्ट्रिय समाज कल्याण संघ (एनएनएसडब्लुए) र निड्स नेपाल संस्थाहरुले सहयोग गर्दै आएको बताउनुभयो ।