दोधारा चाँदनीबाट ६ जना जुवाडे पक्राउ

कञ्चनपुर:

कञ्चनपुरमा तास खेलिरहेको अवस्थामा ६ जना पक्राउ परेका छन्। जिल्ला प्रहरी कार्यालयका अनुसार सोमबार मध्यरातमा दोधारा चाँदनी–६ संगम टोलबाट ६ जनालाई तास खेलिरहेको अवस्थामा नगदसहित नियन्त्रणमा लिइएको हो।

स्थानीय धने गुरुङको खाली घरमा १२ बजेको समयमा जुवातास खेलिरहेको अबस्थामा दोधारा चाँदनी–४ का ४९ वर्षीय मोहन बहादुर सिंहसहित ६ जना पक्राउ परेका छन्। उनीहरुको साथबाट २२ हजार एक सय ३० रुपैयाँ नगद, मोबाईल थान–२ र १ गड्डी तास बरामद गरिएको प्रहरीले जनाएको छ।