महेन्द्रनगरमा ट्याक्टरले लियो महिलाको ज्यान

कंचनपुरको महेन्द्रनगर बजार सङ्गै जोडिएको भिमदत्त ०३ भासीमा आज बिहान ट्याक्टरले ठक्कर दिदा एक महिलाको मृत्यु भएको छ । बिहान करिब ७:३० बजेतिर महेन्द्र राजमार्गमा पुर्व बाट पश्चिम तर्फ जाँदै गरेको म १ त १०१७ नम्बरको ट्याक्टरले बाटो क्रस गरिरहेकि भिमदत्त न पा ०७ हल्दुखाल बस्ने पार्वती भट्टलाई ठक्कर दिइ घाइते बनाएको वडा प्रहरी कार्यालय कंचनपुरले जानकारी गराएको छ । घाइते पार्वती भट्टको उपचारको क्रममा महाकाली प्रादेशिक अस्पतालमा मृत्यु भएको हो ।