एमाले कञ्चनपुर अधिवेशन: सहमती हुन नसकेपछि अशोक चन्द प्यानल घोषणाको तयारीमा

कञ्चनपुर:
बिहीबारदेखि शुरु भएको नेकपा एमाले कञ्चनपुरको ९ औँ अधिवेशनमा नेतृत्व चयनका लागि सहमती हुने अवस्था टर्दै गएपछि अध्यक्षका प्रबल दाबेदार अशोक कुमार चन्द प्यानल उम्मेदवारी घोषणाको तयारीमा रहेका छन ।
शुक्रबार कञ्चनपुर उद्योग वाणिज्य संघको हलमा आयोजिक बन्दसत्र समापन भएको छ, बन्दसत्र समापन भएसंगै अधिवेशन निर्वाचन प्रकृयामा गएको छ । जिल्ला इन्चार्ज नारदमुनी रानाको अध्यक्षतामा अध्यक्ष मण्डल र अधिवक्ता भोजराज पाठकको संयोजकत्वमा निर्वाचन मण्डल गठन गरिएको छ ।
नेकपा एमाले कञ्चनपुरका युवा नेता एव चन्द पक्षीय नेता राधाकृष्ण जोशी(ज्वाला)ले सहमतीय हुने अवस्था नदेखेपछी प्यानल घोषणाको तयारी रहेको बताए ।
नेता ज्वालाले अध्यक्ष सहितका पाँचै पदाधिकारी घोषणाका लागि तयारी भईरहेको छ । ‘यहाँ सहमती हुने अवस्था केही नेताहरुबाटै उलङघन भईरहेको छ, ‘उनले भने, ‘अधिकाँस युवा नेता कार्यकर्ताहरु आशा भरोसाका केन्द्रप्रति देखिएका छन ।’ एमाले ९औँ जिल्ला अधिवेशनका लागि ४सय ६४ जिल्ला प्रतिनिधी छनौट भएका छन ।