कार्य सम्पादन मुल्यांकनमा शुक्लाफाँटा दोस्रो

महेन्द्रनगर। शुक्लाफाँटा नगरपालिकाले कार्य सम्पादन मुल्यांकनमा ४०.१८ अंक प्राप्त गर्दैै दोस्रो भएको छ। जिल्लामा कार्यसम्पादन मुल्यांकनमा भीमदत्त नगरपालिका सबैभन्दा बढी अंक ४१.६५ अंक प्राप्त गर्दै पहिलो बन्दा शुक्लाफाँटा नगरपालिका दोस्रो बनेको हो। राष्ट्रिय प्राकृतिक स्रोत तथा वित्त आयोगले सार्वजनिक गरेको विवरण अनुसार सबैभन्दा कम अंक पुनर्वास नगरपालिकाले प्राप्त गरेको छ। पुनर्वासले १७.५६ अंक मात्रै पाएको हो। कार्यसम्पादन मुल्यांकनमा बेदकोट नगरपालिकाले ३८.२८ अंक, कृष्णपुर नगरपालिकाले १८.९८ अंक, दोधाराचाँदनी नगरपालिकाले ३४.७१ अंक पाएको छ। यसैगरी, बेलौरी नगरपालिकाले ३७.१५ अंक, लालझाडी गाउँपालिकाले २८.८३ अंक पाएको छ भने कार्यसम्पादन मुल्यांकनमा बेलडाँडी गाउँपालिकाले २४.३८ अंक प्राप्त गरेको छ। कार्यसम्पादन मुल्यांकनका लागि १७ वटा सुचक राखिएका थिए।
यी हुन् कार्यसम्पादन मुल्यांकनमा प्रयोग गरिएका सुचक
१–पालिकाहरुले २०८० असार १० गतेभित्र आर्थिक वर्ष २०८०÷८१ को राजस्व र व्ययको अनुमान सम्बन्धित गाउँसभा तथा नगरसभामा पेश गरे÷नगरेको
२–गाउँ कार्यपालिका÷नगर कार्यपालिकाले आर्थिक वर्ष २०८०÷८१ को राजस्व र व्ययको अनुमान सम्बन्धित गाउँ सभावाट २०७९ असार मसान्तभित्र पारित गरे÷नगरेको
३–स्थानीय तहले आर्थिक वर्ष २०७९÷८० मा घर जग्गा रजिस्ट्रेशन शुल्क, मनोरञ्जन कर तथा विज्ञापन कर बाफत उठेको रकम मध्ये प्रदेश सरकारलाई दिनुपर्ने ४० प्रतिशत रकम मासिक रुपमा प्रदेश सञ्चित कोषमा जम्मा गरे÷नगरेको।
४– स्थानीय तहले आ.व.२०८१÷८२ को आय व्यय प्रक्षेपण गरिएको तथ्यांकसहितको विवरण २०७९ पुस मसान्तभित्र अर्थ मन्त्रालयमा पेस गरे÷नगरेको
५–स्थानीय तहले आर्थिक वर्ष २०७९÷८० को बजेट कार्यान्वयनको बार्षिक समिक्षा गरी त्यस सम्बन्धी विवरण २०७९ कार्तिक मसान्तभित्र सार्वजनिक गरे÷नगरेको
६. आर्थिक वर्ष २०७९÷८० को राजश्व संकलनको प्रक्षेपित लक्ष्य, यथार्थ राजश्व संकलन रकम, सुचक ६.३ आर्थिक वर्ष २०७८÷७९ को यथार्थ राजश्व संकलन रकम ।
७–आ.व २०७९÷८० मा कुल विनियोजित रकम। कुल खर्च रकम । कुल पूँजिगत विनियोजित रकम र कुल पूँजिगत खर्च रकम ।
८–आर्थिक वर्ष २०७८÷७९ को कुल लेखापरीक्षण भएको रकम ।
आर्थिक वर्ष २०७८÷७९ मा कायम भएको बेरुजु रकम।
९– स्थानीय सञ्चित कोष व्यवस्थापन प्रणालीको प्रयोग गरे÷नगरेको
१०– स्थानीय तहले आवधिक योजना तर्जुमा गरे÷नगरेको ।
११–शैक्षिक शत्र २०८० मा कक्षा १ देखि ८ सम्म ५ देखि १२ वर्ष उमेर समुहका जम्मा भर्ना भएको विद्यार्थी संख्या । शैक्षिक शत्र २०८० मा ५ देखि १२ बर्ष उमेर समुहका बालबालिकाको संख्या ।
१२– शैक्षिक शत्र २०७९ मा कक्षा ८ मा रहेका विद्यार्थी संख्या । शैक्षिक शत्र २०८० मा कक्षा ९ मा रहेका विद्यार्थी संख्या ।
१३– शैक्षिक शत्र २०७९ मा सामुदायिक विद्यालयबाट कक्षा १० को परिक्षामा सहभागी कुल विद्यार्थी संख्या। शैक्षिक शत्र २०७९ मा सामुदायिक विद्यालयबाट कक्षा १० को परिक्षामा कम्तीमा ‘डी’ वा सो भन्दा उच्च ग्रेडसहित उतिर्ण विद्यार्थी संख्या ।
१४–आर्थिक वर्ष २०७९÷८० मा अनुमानित गर्भवति महिलाको सख्या । ४ पटक गर्भ जाँच गर्ने महिलाको संख्या ।
१५. आर्थिक वर्ष २०७९÷८० मा संस्थागत स्वास्थ्य संस्थामा सुत्केरी हुने महिलाको संख्या ।
१६– आर्थिक वर्ष २०७९÷८० मा २४ महिनासम्मका बालवालिकाको अनुमानित संख्या । पुर्ण खोप पाएका बालबालिकाको संख्या ।
१७– आयोगले तयार गरेको विद्युतीय अनलाइन पोर्टलमा कार्य सम्पादन सूचक सम्बन्धी विवरण तोकिएको अवधिमा प्रविष्टि गरे/नगरेको ।