बेदकोटमा हाइसको ठक्करबाट एक महिलाको मृत्यु

महेन्द्रनगर:

बेदकोट नगरपालिकामा हाइसको ठक्करबाट एक महिलाको मृत्यु भएको छ । बेदकोट नगरपालिका–१० शिशैया हरपालकी ४० वर्षीया मञ्जु रावल कठायतको बिहीबार ठक्करबाट ज्यान गएको हो ।

४२ वर्षीय दिनेश बहादुर कठायतले आफ्नै घरको आँगनमा बागमती प्रदेश को ०१०२९ च २८०६ नम्बरको हाईस चलाउने क्रममा कठायतलाई ठक्कर दिएको थियो ।

उनको उपचारको क्रममा मायामेट्रो अस्पताल धनगढीमा मृत्यु भएको हो।

दुर्घटनाका सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक प्रकाश डाँगीले बताए।