एकीकृत समाजवादीले भीनपा ६ को उप निर्वाचनमा जितेन्द्र चन्दलाई उम्मेदवार बनाउने

महेन्द्रनगर:

नेकपा एकीकृत समाजवादीले भीमदत्त नगरपालिका ६ को उप निर्वाचनमा जितेन्द्र बहादुर चन्दलाई वडा अध्यक्षको उम्मेदवार बनाउने भएको छ । समाजवादीले मंगलबार चन्दलाई उम्मेदवार बनाउने निर्णय गरेको हो ।

समाजवादीका युवा नेता रमेश पन्तले उप निर्वाचनमा चन्दलाई उम्मेदवार बनाउने निर्णय सर्वसम्मत गरिएको जानकारी दिए ।
उम्मेदवार चन्द यस अघि २०७९ को निर्वाचनमा समाजवादीबाट चुनाव लडेका थिए ।

एमाले र काँग्रेसपछि समाजवादीले पनि उप निर्वाचन उम्मेदवार टुङ्गो लगाएको हो । एमालेले पूर्व प्रधानाध्यापक बहादुर चन्द र काँग्रेसले प्रकाश चन्दलाई उम्मेदवार बनाउने निर्णय यस अघि गरि सकेका छन् ।

मंसिर १६ गते भीनपा ६ मा उप निर्वाचन हुन लागेको हो । गत वर्ष वडा अध्यक्ष महेन्द्र खड्का निधन भएपछि उप निर्वाचन हुन लागेको हो । खड्का काँग्रेसबाट वडा अध्यक्ष निर्वाचित भएका थिए ।