नारायणगढ देखि काठमाडौंसम्मको बाइपास सडक निर्माण ९४ प्रतिशत सम्पन्न, बजेट अभाव अन्तिम चरणमा

काठमाडौं:

आठ वर्षअघि सुरु भएको नारायणगढ बजारदेखि काठमाडौंसम्मको बाइपास सडकको निर्माण अन्तिम चरणमा बजेट अभाव भए पनि ९४ प्रतिशत सम्पन्न भएको छ । दुई खण्डमा विभाजन गरिएको आयोजनाले भरतपुर केन्द्रीय बस टर्मिनलदेखि आप्तरीसम्मको फुटपाथ व्यवस्थापन मात्रै बाँकी रहेको पश्चिम भागको काम सफलतापूर्वक सम्पन्न गरेको छ ।

सडक डिभिजन कार्यालयका सूचना अधिकारी ई.चन्द्रेश्वर साहले आर्थिक वर्ष २०७१/७२ मा बहुवर्षीय योजना अन्तर्गत सुरु भएको आयोजनाले पछिल्लो समय बजेटको अभाव झेल्दै आएको बताए । सुरुमा दुई चरणमा ठेक्का पाएको निर्माणमा पहिलो खण्ड केन्द्रीय बस टर्मिनलदेखि ठूलो जंक्शनसम्म र दोस्रो खण्ड ठूलो जंक्शनबाट आप्तरीसम्म जोडिएको थियो। तर, बजेट अभावका कारण स्थानीय मागले पहिलो खण्ड चार किलोमिटरबाट दुई किलोमिटरमा घटाएर ९६ प्रतिशत पूरा हुने दरमा ल्याएको थियो ।

पशुपति रायमाझी जेभीले व्यवस्थापन गरेको दोस्रो खण्ड पनि अन्तिम चरणमा पुगेको छ भने फुटपाथ व्यवस्थापनको काम पनि भइरहेको छ । निर्माण कम्पनीले ९० प्रतिशत काम पूरा गरे पनि बजेट अभावले आयोजनालाई अन्तिम रुप दिन बाधा पु¥याएको छ । डिभिजन सडक कार्यालयका प्रमुख रमेश पौडेलले कम्पनीले बाँकी भुक्तानी नपाएको बताउँदै आयोजनाको बाँकी भुक्तानी र अन्य खर्चका लागि विभागसँग बजेट विनियोजन गर्न अनुरोध गरेको बताए ।