भीमदत्त १४ नम्बर वडा कार्यालय भवन उद्घाटन

महेन्द्रनगर:

भीमदत्त नगरपालिका १४ नम्बर वडा कार्यालयको नव निर्मित भवन उद्घाटन गरिएको छ । भीमदत्त नगरपालिकाका मेयर पदम बोगटीले ब्यानर अनावरण गरी भवन उद्घाटन गरेका छन् ।

कार्यक्रममा भीमदत्त नगरपालिकाका उप मेयर निलम लेखक जोशी, नगर प्रवक्ता पदमराज अवस्थी, वडा अध्यक्षहरु सुशिल कुमार भट्ट, रामचन्द्र बोहरा, भीनपा १४ का निवर्तमान वडा अध्यक्ष उत्तम बहादुर विष्ट, प्रमुख प्रशासकीय अधिकृत महेश बहादुर बम, नेपाली काँग्रेस भीमदत्त नगर सभापति अच्युत प्रसाद कलौनी, एमाले भीमदत्त नगर उपाध्यक्ष प्रेम ऐडी लगायत जनप्रतिनिधि, राजनीतिक दलका नेता, बुद्धिजीवि, समाजसेवी लगायतका सहभागी भएका छन् |

कार्यक्रममा भीमदत्तका मेयर बोगटीले नव निर्मित भवनबाट वासिन्दालाई सहज रुपमा सेवा प्रवाह गर्न सहयोग पुग्ने बताए ।

कार्यक्रममा उप मेयर जोशी, नगर प्रवक्ता अवस्थी, प्रमुख प्रशासकीय अधिकृत बम, साहित्यकार पिङ्की बोहरा लगायलते शुभ कामना मन्तव्य राखे । भीनपा १४ का वडा अध्यक्ष भोजराज जोशीको अध्यक्षतामा कार्यक्रम गरिएको छ ।

कार्यक्रममा विभिन्न क्षेत्रका वडाका वासिन्दालाई सम्मान गरिएको छ । ओलम्पियन विष्णु बहादुर सिंह सहितलाई कार्यक्रममा सम्मान गरिएको छ ।

यसैगरी सम्मानित हुनेमा साहित्यकार पिङ्की बोहरा, कबड्डीका पूर्व राष्ट्रिय खेलाडी महामति खाती, कबड्डीका खेलाडी विजय दमाई, सुवास उपाध्यय, देब बहादुर खाती, भरत विष्ट, जगन्नाथ राना, बासुदेब जोशी, इन्द्र बहादुर खाती, कलावति कुँबर, पूर्व वडा अध्यक्ष इन्द्र बहादुर खाती, पूर्व वडा अध्यक्ष उत्तम बहादुर विष्ट, पूर्व वडा अध्यक्ष गोरख बहादुर सिह, डा. निरज खाती, डा. सूर्य प्रसाद उपाध्यय, गगन बहादुर खड्का, पृथ्बीराज भट्ट, प्रा.डा. हरिशचन्द्र भट्ट, हरिलाल जोशी, हर्क बहादुर खाती लगायतका छन् ।

महाकाली प्रादेशिक अस्पताल व्यवस्थापन समितिका पूर्व अध्यक्ष कृष्णदत्त जोशी बोक्सर, वडा कार्यालय भवन निर्माण कम्पनी कैलाश राखी कन्स्ट्रक्सनका इन्द्र बहादुर कार्कीलाई सम्मान गरिएको छ ।

कार्यक्रमका प्रमुख अतिथि मेयर बोगटी र उप मेयर जोशीले उनीहरु सबैलाई टिका र खादा लगाएर सम्मान गरे ।

शान्ति आधारभूत विद्यालय वनकट्टीका प्रधानाध्यापक उत्तम विष्टले कार्यक्रम सञ्चालन गरेका थिए । डेढ करोड लगानीमा वडा कार्यालय भवन बनेको हो ।