कञ्चनपुरमा अवैध लागू औषध सहित ३ जना किशोर पक्राउ

कञ्चनपुर:

कञ्चनपुर प्रहरीले बिहीबार साँझ अवैध लागू औषध सहित ३ जना किशोरलाई पक्राउ गरेको छ । जिल्ला प्रहरी कार्यालय कञ्चनपुर र अस्थायी प्रहरी पोष्ट मझगाउँबाट संयुक्त खटिएको प्रहरी टोलीले कञ्चनपुरको भीमदत्त नगरपालिका वडा नम्बर १७ मझगाउँबाट भीमदत्त १५  बस्ने एक जना १८ वर्षीय किशोर र भीमदत्त १८ बस्ने दुई जना किशोर गरी ३ जना किशोरहरूलाई ०.९६ ग्राम लागू औषध खैरो हेरोइन र उनीहरू सवार म २ प ४२०८ नम्बरको मोटरसाइकल समेत नियन्त्रणमा लिएको छ । यस सम्बन्धमा थप अनुसन्धान भइरहेको प्रहरीले जनाएको छ ।