लालझाडीको सोह्रौँ गाउँ सभा अधिवेशन : आर्थिक वर्ष २०८१।०८२ को बजेट रु. ५१ करोड ८३ लाख ७ हजार

प्रमुख अतिथि सुदूरपश्चिम प्रदेश सरकारका मन्त्री वीर बहादुर थापा र गाउँपालिकाका अध्यक्ष निर्मल रानाले संयुक्त रूपमा १६ औँ गाउँ सभाबाट पालिकाको लोगो सार्वजनिक गर्नु भएको छ । सेवा निवृत्त २ जनालाई  महिला स्वयंसेविकाहरूलाई नगद रु ५१ हजार सहित बिदाइ र स्वैच्छिक अवकाश लिनुभएका २ जना महिला स्वयंसेविकाहरूलाई कदर पत्र प्रदान गरिएको छ । पालिकाका भित्र रहेका ३ वटा स्वास्थ्य चौकीका प्रमुख र ३ वटा आधारभूत स्वास्थ्य सेवा केन्द्रमा कार्यरत प्रमुखलाई समेत सम्मान गरिएको लालझाडी गाउँपालिकाका प्रमुख प्रशासकीय अधिकृत राज बहादुर सार्कीले जानकारी दिनुभयो । अधिवेशनमा केही स्थानीय ऐन संशोधन विधेयक र शिक्षा, जलश्रोत, पशुपक्षी सम्बन्धी लगायतका विधेयकहरू प्रस्तुत गरिएको उहाँले जानकारी दिनुभयो ।