एमाले कञ्चनपुरको उपाध्यक्षमा चार उम्मेदवार

महेन्द्रनगर:

एमाले कञ्चनपुरको नवौ अधिवेनशमा उपाध्यक्षका लागि चार जना चुनावी मैदामा उत्रिएका छन् । शनिबार चार जनाले जिल्ला उपाध्यक्षका लागि चार जनाले मनोनयन दर्ता गराएका हुन् । उपाध्यक्षमा जनकराज अवस्थी, हिरा चन्द, विष्णु कँडेल र विष्णु अवस्थीले उम्मेदवारी दर्ता गराएका छन् ।

उपाध्यक्षका चार उम्मेदवारमध्ये अवस्थी भीमदत्त नगरपालिका इन्चार्ज हुन् । उनीहरुमध्ये चन्द र विष्णु अवस्थी पूर्व प्रदेश कमिटी सदस्यता तथा कँडेल पूर्व जिल्ला कमिटी सदस्य हुन् । आठौं अधिवेशनमा सदस्य निर्वाचित कँडेल प्रदेश अधिवेशनमा चुनाव लडेपछि सदस्य पद गुमाएका थिए ।

उनीहरुमध्ये जनकराज अवस्थी र कँडेल आठौं जिल्ला अधिवेशन चुनाव लडेका हुन् । उपाध्यक्षका सबै उम्मेदवार भीमदत्त नगरपालिका हुन् ।