नेपाल रेडक्रस सोसाईटीका आयोजनामा दोधारा चाँदनीमा बतृत्वकला प्रतियोगिता र चित्रकला प्रतियोगिता सम्पन्न

दोधारा:

दोधारा चाँदनीमा बतृत्वकला प्रतियोगिता र चित्रकला प्रतियोगिता सम्पन्न भएको छ् । नेपाल रेडक्रस सासाईटी दोधारा उपशाखाको आयोजनामा ससंचालन भएको बतृत्वकला प्रतियोगिता र चित्रकला प्रतियोगिता सम्पन्न भएको नेपाल रेडक्रस सोसाईटी उपशाखाका शाखा सभापती राजेन्द्र मल्लले जनाएका छन् । दोधारा चाँदनी नगरपालिका– ९ अम्बिका माबि आयोजित बतृत्वकला प्रतियोगितामा ५ माध्यमिक तहका बिद्यालयका बिद्यार्थी र चित्रकला प्रतियोगितामा १० बिद्यालयका बिद्यार्थीहरुको सहभागिता रहेको थियो । बतृत्वकला प्रतियोगितामा बिपद ब्यवस्थापनमा युवाको भुमिका र चित्रकला प्रतियोगितामा बिपद् ब्यवस्थापनमा मानविय सहयोग शिर्षक राखिएको थियो । आयोजित बतृत्वकला प्रतियोगितामा लक्ष्मी माबिका समृद्धि चन्द प्रथम, युनिक सनराईज ईंगलिस बोर्डिङ्ग स्कुलका मोनालिसा तिवारी द्धितिय, जनज्योती माबिका नितु साँउद तृतिय भएका छन् । यस्तै चित्रकला प्रतियोगितामा एशियन स्टार बोर्डिङ्ग स्कुलका आयुष थापा मगर प्रथम, एशियन स्टार बोर्डिङ्ग स्कुलकै क्रिस सारु द्धितिय, अम्बिका माबिका सुहाना सार्की तृतिय भएका छन् । प्रतियोगितामा प्रथम हुनेलाई रु. ३ हजार, द्धितिय हुनेलाई रु. १ हजार, तृतिय हुने बिद्यार्थीलाई रु. ५ सय नगद धनरासी साथै प्रमाण पत्र प्रदान गरिएको छ् । साथै प्रतियोगितामा सान्तवना पुरुस्कार समेत प्रदान गरिएको आयोजक संस्था नेपाल रेडक्रस सासाईटी दोधारा उपशाखा कार्यालयले जनाएको छ् । कार्यक्रममा नेपाल रेडक्रस सासाईटी दोधारा उपशाखाका सभापति राजेन्द्र मल्ल, दोधारा चाँदनीका मेयर किशोर कुमार लिम्बु, वडाध्यक्ष गोपिलाल कडेंल, चन्द्र बहादुर सिंह, नेपाल रेडक्रस सासाईटी शुदुरपश्चिम अधिकृत लक्ष्मण दत्त भट्ट लगाएत रेडक्रसकर्मी, शिक्षक प्रतिनिधी तथा बिद्यार्थीहरुको सहभागिता रहेको थियो ।